INVITATOR et Vocator

INVITATOR et Vocator

apud Rom. Servi erant Tricliniares, appellationem ex muere sortiri: quorum meminit Athen. l. c. illius Mart. l. 9. Epigr. 93. v. 2. Cuius Epigraphe adulatur Domitiano et antiqua Rom. Inscr. Agathophus Augg. Lib. Invitator. Plin. l. 35. c. 10. Indignantique Ptolomaeo et Vocatores suos ostendenti, ut diceret, a quo eorum invitatus esset, Amn. Marcell. l. 14. c. 26. Et Nomenclatores assueti haec et talia venditare mercede accepta lucris. quosdam et prandis inserunt subdititios, ignobiles et obscuros. Ubi notandi nomenclatores e campo in triclinium vocati, quos Athen. l. 2. Ο᾿νοματοκλήτορας et Δείπνων ταξιάρχους appellat: ac videntur esse Δειπνοκλήτορες Artemidoro. Invitatores expressit Christus Dominus apud Matth. c. 22. v. 3. et Luc. c. 14. v. 8. Descripsit autem Seneca Ep. 47. Alius cui convivarum censura permissa est, persta infelix et exspectat, quod adulatio et intemperantia aut gulae aut linguae, revocet in crastinum. Et ab hac forte opera servum Calatorem, appellat Plaut. in Rud. Act. 2. Sc. 3. v. 5. ubi tamen Lambinus a Festo non discedit. Vide L. Pign. Comm. de Ser v. p. 144, 145. et 146. et infra vocator.